Nid oes angen i chi wneud cais am ganiatâd i wneud gwaith goleuo ar raddfa fach fel gosod golau newydd dan do neu osod goleuadau diogelwch allanol. Fodd bynnag, mae yna ffactorau y dylech eu hystyried wrth osod neu newid goleuadau.
Goleuadau mewn Adeiladau Rhestredig
Os ydych yn dymuno gosod neu newid y goleuadau ar adeilad rhestredig, dylech wneud cais am Ganiatâd Adeilad Rhestredig. Mae hyn yn berthnasol i’r holl oleuadau mewnol ac allanol sy’n ymwneud â’r adeilad neu’r tir o amgylch.
Ffactorau ychwanegol sy’n benodol i’r Parc Cenedlaethol
Mae ffactorau ychwanegol i’w hystyried ynglŷn â goleuo wrth ddatblygu o fewn y Parc Cenedlaethol.
Mae Parc Cenedlaethol Eryri yn Warchodfa Awyr Dywyll Ryngwladol ddynodedig. Bydd Awdurdod y Parc yn ystyried yr effaith y gallai gwaith datblygu ei chael ar y dynodiad hwn.
Dylai gwaith datblygu ystyried:
- effaith goleuo ar ansawdd yr awyr dywyll o amgylch safle’r datblygiad
- effaith golau ar y bywyd gwyllt sy’n dibynnu ar awyr dywyll y Parc Cenedlaethol.
Mae sawl ffordd y gallwch chi gynnwys awyr dywyll yn eich datblygiad, gan gynnwys:
- sicrhau bod y goleuo’n pwyntio i lawr yn hytrach nag i fyny
- cyfyngu ar faint o amser y mae golau allanol yn weithredol
- defnyddio golau mewn ardaloedd sydd ei angen